நிலாக்கால நினைவுகள் - 16

கிரிதர கோபாலா - மயக்கு மோகனம்
Vocal by Smt M.S.Subbulakshmi - Song Giridhara Gopala given below:



M S Subbulakshmi's Meera song Giridhara Gopala in WHISTLE. An Excellent rendition.  

இம்மியளவும் பிசகின்றி 'விசில்' அடித்துள்ளார். கேட்கும்போது என் மனம் பல்லாண்டுகள் பின்னோக்கிச் சென்றுவிடுகிறது. நான் மறுபடியும் எனது ஐந்தாம் வயதுக்குச் சென்றுவிடுகிறேன். இசை மட்டும் என்னை மயக்கவில்லை, எண்ணங்களும்தான் !  அம்பத்தூர் மௌனஸ்வாமிகள் மடத்து வீட்டில்,  சந்திரா அத்தை,  ஒரு காலை நேரத்தில்  சமையல் பண்ணிக் கொண்டே,  மேலிருக்கும் சாளரத்தின் வழியே வெளியே பார்த்தவாறே,  இந்தப் பாடலைத் தன் இனிமையான குரலில் பாடிக் கொண்டிருக்கும் காட்சி கனவுபோல் புகைப்படலங்களிலூடே என் கண் முன்னே விரிகிறது !  என்ன ஒரு மதூரமான குரலும்,  பாடலும்!

குமுட்டி அடுப்பில் வேகும் பருப்பு பொங்கி வழியும் சப்தமும் அந்தக் கருகிய வாசனையும் பாடலை அவசரமாய் முடிக்கச் செய்ததின் ஏமாற்றம் என் மனதில் ! நான் பின்னால் நின்றுகொண்டு பாடலை ரசித்துக் கேட்டுக் கொண்டிருந்ததில் அத்தை அடைந்த மகிழ்ச்சி அளவற்றதாயிருந்தது இன்னும் என் நினைவில்  பசுமையாய் !    மோகன ராகத்தை எனக்கு அத்தை அறிமுகப்படுத்தியது  இந்தப் பாடலின் மூலம்தான்  !   இந்தக் காணொளியை இன்று எனக்கு அனுப்பி மகிழ்வித்த  தம்பி பாபுவுக்கு நன்றி  !

கி. பாலாஜி
ஜனவ‌ரி 15 2019
பொங்கல் திருநாள்

Comments

Post a Comment

Popular posts from this blog

நிலாக் கால நினைவுகள் - 13

Image
'மாலையும்  இரவும்  சந்திக்கும்  இடத்தில்'  சகோதரி லதா இன்று என் நினைவுகளை மலர்விக்க நினைந்து அனுப்பிய ஒரு அற்புதமான பாடல் !  1961  இல் வெளிவந்த 'பாசம்' திரைப்படத்தின் பல இனிமையான பாடல்களில் இது என் மனம் கவர்ந்த ஒன்று. இந்தப் படத்தை நாங்கள் பார்த்தது 1961  இல் தான் ! மறக்கமுடியுமா அந்த இனிமையான நாளை ! எம்.ஜி.ஆர் படங்களின் பாடல்கள் என்றால் அவை அமுத கானமாகத்தான் இருக்கும். பாடல்களுக்காகவே படத்தைப் பார்க்க விரும்புவேன் ! 1964 க்கு மேல் பல படங்களை  மாமாவின் அலுவலகத்தில் தொழிலாளர் சங்க வளாகத்தில் பார்த்ததுண்டு. அப்படி, மாமா கூட்டிச் சென்ற ஒரு படம்தான் 'பாசம்' ! இசை மெல்லிசை மன்னர்கள் விசுவநாதன் - ராமமூர்த்தி.  பாடல் கவியரசர் கண்ணதாசன்!  மேற்குறிப்பிட்ட இந்தப் பாடலைப் பாடியவர்கள் திரு.பி.பி.ஸ்ரீனிவாஸ் மற்றும் ஜானகியம்மா ! இனிமையான குரல்கள் ! நல்ல பொருத்தம் !  இந்தப் பாடலுக்கு நடித்திருப்பவர்கள் கல்யாண்குமார் மற்றும் ஷீலா ! பொருத்தமான நடிப்பு ! விரசமில்லாத காதலை மிக அழகாக வெளிப்படுத்தும் நடிப்பு.! இன்னும் என் நினைவில் உள்ளது , ...
Read more

நிலாக் கால நினைவுகள் - 10

Image
பாத்தா பசுமரம் படுத்துவிட்டா நெடுமரம் இன்று என் தம்பி பாபு அனுப்பியிருந்த இன்னொரு சிறந்த பாடல் , 'திருவிளையாடல்' படத்திலிருந்து  'பாத்தா பசுமரம் படுத்துவிட்டா நெடுமரம்' என்ற பாடல்.  மனம் பின்னோக்கிப் பறந்து பறந்து வட்டமடிக்கிறது , கேட்கும்போது ! பட்டப்பாவே இரண்டு முறை கூட்டிச் சென்றிருக்கிறார் இந்தப் படத்திற்கு எங்களை !  ஐம்பத்து மூன்று வருடங்கள் ஆனாலும் கூட , அந்த இனிய காலங்கள் இன்னும் மனதை நிறைக்கின்றன !  அற்புதமான படம், பாடல்கள் !  கவியரசர் கண்ணதாசன் அவர்களின் வரிகளுக்குத் தகுந்தாற்போல் சிவாஜி கணேசன் அவர்களின் நடிப்பு !  திரையிசைத் திலகம் கே.வி.மகாதேவன் அவர்களின் அற்புதமான இசை!  டி.எம்.எஸ். அவர்களின் வெண்கலக்குரல்! இந்தப் பாடலின் வரிகளுக்குத் தகுந்தாற்போல் வேடமிட்டு நிற்கவைத்த பாத்திரங்களின் வரிசை ! வண்ணப் படங்கள் அருகியிருந்த அந்தக் காலத்தில், ஈஸ்ட்மென் கலர் வண்ணப்படம் ! ஏ.பி.நாகராஜன் அவர்களின் இயக்கம், திரைக்கதை, வசனம், தயாரிப்பு ! பொருத்தமான நடிகர்கள் ! ஒவ்வொரு நடிகரின் சோடை போகாத நடிப்பு ! அற்புதமான புராணக் கதை மற்றும் கதைய...
Read more

எண்ணத்திலே ஓசைகள்.......

Image
எண்ணத்திலே ஓசைகள்..... வருடம் 1968. ஒரு தொலைவான இடத்திற்கான, என் முதல் ரயில் பயணம் அம்மாவுடன்செய்தது என்றால், அது குடியாத்தத்திற்குதான் !  17 வயதில் அம்மாவையும் கூட்டிக்கொண்டு நான் பயணம் புறப்பட்டது வீட்டில் அத்தை, சித்தப்பா, தாத்தா அனைவருக்கும் சற்று கலவரமாகவே இருந்தது.  உலகம் தெரியாமல் குழந்தைகளை வளர்த்து விடுவது அந்தக் காலம். அப்படித்தான் ஒன்றுமறியாத சிறு பையனாக 18 வயது வரை வளர்ந்தேன் நான் ! மிகுந்த பயத்துடன் தான் என்னை அனுப்பி வைத்தார்கள் . அம்மாவை அங்கு, மாமா வீட்டில் விட்டுவிட்டு தனியாக திரும்ப சென்னை வரவேண்டுமே என்ற கவலை!    நான் அங்கு கழித்த அந்த நான்கு நாட்களும் மறக்க முடியாதவை. என்னை நான் மிகவும் சுதந்திரமான மனிதனாக உணர்ந்தேன் . சென்னை வெயிலோடு வித்தியாசப்படுத்திப் பார்த்தோமானால்,  அது ஒரு குளிர் பிரதேசமாக தான் இருந்தது அப்போது ! கிராமம் என்றும் சொல்ல முடியாது, நகரம் என்றும் சொல்ல முடியாது.  அப்படிப்பட்ட ஒரு இடம். காலை எழுந்து காபி குடித்தவுடன் வீட்டைச் சுற்றியிருந்த தெருக்களை எல்லாம் ஒரு வலம் வருவது வழக்கமாயிருந்தது. அத்தனை வீட்டு ...
Read more